Вработените во јавната установа „8-ми Март“, градинка „Сонце“ во Струга, вчера непријатно биле изненадени од нередот кој го затекнале при доаѓање на работа. Вратите од градинката биле насилно отворени, а прозорите искршени од страна на непознати разбојници. Тие откако ги пребарале просториите ги расклопиле комјутерските единици во административните простории и ги одзеле матичните плочи.
-Вработените кои први дошле на работа ме известија за непријатниот настан. Целта на разбојниците им биле службените комјутери од кои беа извадени мтичните плочи, а куќиштата беа оставени. Искршен е и дел од инвентарот, а одземени се и телефони, монитори и друга опрема.-изјави за OhridNews Флорише Емуш, директорка на градинката.
Таа додаде дека во комјутерите кои биле цел на разбојниците имало софтвер за плати и други програми неопходни за работа на градинката.
Емуш истакна дека не е прв пат да се провалува во градинката која нема чуварска служба и систем за обезбедување.
Случајот бил веднаш пријавен во полицицијата која работи на откривање на сторителите на ова разбојништво.
