Голем број љубители на народната песна и оро вчера го проследија свеченото отварањето на Меѓународниот фестивал „Разиграно оро“ што до 4-ти јули ќе се одржува во Охрид. На оваа фолколорна манифестација кој е една од најмасовните собири на фолклористи на Балканот годинава ќе настапат над 1000 играорци од десетина земји.


Од организацијата на фестивалот информираат дека годинава покрај концеритите, кои ќе се одржуваат на летната сцена на градскиот плоштад, ќе биде организирана и изложба на традиционални македонски носии.


Во рамки на фестивалската програма ќе настапат Фолклорните друштва ,,Абрашевиќ’’, ,,Рибарска Бања’’ и ,,Радост’’ од Србија, ,,Вангелов’’, ,,Луди млади’’, ,,Черга” и ,,Петрич ‘’од Бугарија како и ,,Капија’’ и ,,Бисер’’ од Босна и Херцеговина. Исто така се очекува да настапат и играорци од Албанија, Турција, Грција, Косово, Хрватска, како и од други земји. Покрај фолклорните друштва од странските земји, на фестивалот ќе настапат и неколку македонски фолклорни друштва.


Фестивалот „Разиграно оро“ го организира ансамблот „Филиграни“ од Охрид со поддршка од Министерството за култура и  Општина Охрид.

OhridNews