Развојот на еко- туризмот би довел до заживување на руралните средини

Еко-туризмот освен што е тренд во светот, погодна форма е за развој на туризмот во Македонија, како средина која располага со се што е потребно за развој на овој вид туризам- природни убавнини, културно-историски споменици, автентична храна, музика, амбиент и архитектура, смета Лилјана Поповска, претседател на партијата Демократска обнова на Македонија, која има покренато иницијатива за развој на еко- туризмот во земјава.

– Сето тоа богатство со кое располага Македонија, значи печат по кој земјата може да се промовира надвор, а истовремено отвара можности за привлекување поголем број туристи , истакнува Поповска.

Целта на покренатата иницијатива е во што поголема мера да се развие еко-туризмот на поширокиот преспанско –охридскиот регион.

– Покрај економскиот бенифит, еко-туризмот отвара можности за развој на инфраструктурата во руралните региони и спречување на појавите на иселување на населението од недоволно развиените краишта во земјата, додава Поповска.

Деновиве во Охрид, партискиот огранок на ДОМ заедно со Скопско Туристичко лето организира трибина посветена на перспективите за развој на еко- туризмот во охридско- преспанскиот регион.