МЈП Проаква Р.Е. Водовод во 2014 ќе ја продолжи мисијата за квалитетно и редовно водоснабдување на 50. 000 корисници по европски стандарди на територијата на Општина Охрид, велат од јавното претпријатие.
Оттаму потсетуваат на реализираните активности во 2013, меѓу кои за изведените нови водоводни линии, реконструкцијата на постоечките водоводни линии на улиците „Ванчо Питошески“, „ Крум Точко“, „Петрино“.
– Следејќи ги потребите на туристичкиот развој на градот, проширувањето на градежните зони и зголемувањето на населението, изминатата година се зголеми и бројот на корисници на водоснабдителниот систем , односно евидентирани се вкупно 716 нови корисници за кои е обезбедена квалитетна вода за пиење и други потреби, изведени се 247 приклучоци за индивидуални објекти, информираат од Р.Е. Водовод Охрид.
Оттаму, додаваат дека во 2013 година извршени биле 686 интервенции на водоводната мрежа ,квалитетно и навремено санирање на дефектите, 1162 интервенции од страна на одделението за баждарење, како и 43 увиди во техничка документација, а биле дадени и бројни мислења и согласности за урбанистички планови.
OhridNews
