Предводени од одличниот напад ракометарите на Охрид 2011 ја забележаа шестата победа сезонава, четврта на домашен терен. Триото Томовски, Андоновски и Трифуноски беа констатна закана кон голот на “црвено белите“. До крајот на полусезоната охриѓани играат на гости терен со Чаир и на домашен терен против Кавадарци.

– Одигравме од срце за Охрид како и секогаш на домашен терен. Работнички беше тежок противник за игра, вложиве големи напори за да победиме на натпреварот. Тие на мечот против нас докажаа дека победите над Струга и Радовиш не биле случајност и со право се наоѓаат во горниот дел од табелата. Голема благодарност до публиката, која секогаш безрезервно не подржува – истакна најдобриот стрелец во охридскиот состав со десет погодоци, Ристе Томовски.

– Работнички е квалитетна екипа, затоа и успеале да ја совладаат Струга со седум голови разлика. Ние во повеќе наврати имамве можност да го финишираме мечот, но имавме недопусливо опуштање. Ние ќе бидиме пресреќни ако нашата екипа има вакво судење на гостински терен, како што имаше Работнички во Охрид – потенцираше тренерот на охриѓани, Горан Андоновски.

– Одигравме одличен меч против Работнички. Одбраната беше на ниво иако некои судиски одлуки беа на штета на нашата екипа. Нападот си го направи своето постигнуваше голови кога беше најпотребно – посочи Иван Тасевски.

– На почетокот од сезоната немавме некои планови и цели. Каква шанса ќе ни се пружи таква. Морам да потенцирам дека екипата на Работнички е млада и неискусна, затоа и го загуби мечот со Охрид – рече тренерот на Работнички, Влатко Неделковски.

Мх.П.