ВМРО- ДПМНЕ продолжува со серијата несериозни и небулозни пресови и обраќања и разни празни повици до раководството на СДСМ и градоначалникот Петрески за некаво наводно објаснување, стои во реакцијата од општинската СДСМ во врска со денешната прес- конференција на пратеникот Шокароски.
– Добро е што пратеникот од редовите на ДПМНЕ Харалампие Шокароски, денеска бил во Трпејца, но очекувавме на граѓаните од ова село да им каже дека се што е направено во Трпејца е направено од СДСМ и градоначалникот Александар Петрески. Во времето на нивното владеење, во Трпејца не е закован ниту еден клинец. Требаше Шокароски на Трпејчани да им каже кога ќ биде срушена дивоградбата на неговиот партиски колега Марјан Ѓорчев, а не да сее магла и небулози. Зарем ова не е дволично, непринципиелно и волунтаристичко однесување на ДПМНЕ преку нивниот денешен ,, гласноговорник ,, Шокароски. Толку многу портокаловите ги има фатено паника од се поголемото незадоволство на народот заради недомаќинското и популистичко владеење на власта, што веќе не знаат што и за кого зборуваат, стои меѓудругото во реакцијата.
Реакција и од кабинетот на градоначалникот Александар Петрески.
– Господине Шокароски , доколку имате доблест и ги почитувате граѓаните , јавно треба да кажете што има направено власта на ВМРО- ДПМНЕ во Трпејца . За разлика од вас , ние со високо крената глава , секогаш сме биле и можеме да отидеме во Трпејца , зошто таму сме инвестирале и ќе инвестираме за да им го подобриме животот на жителите на оваа позната туристичка населба. Локалната самоуправа во мандатот на градоначалникот Александар Петрески изгради нов резервоар и водовод. Поплочени се улиците и уредено и асфалтирано е средселото , а за брзо време ќе почне реконструирањето на училиштето.Што се однесува до дивоградбите , ве посетуваме дека градоначалникот Александар Петрески и локалната самоуправа , работат во склад со законите и по завршувањето на постапките , ќе ги урива оние објекти кои нема да се легализираат. Меѓу нив е еден голем дивоизграден објект на висок функционер од партијата ВМРО- ДПМНЕ , па очекуваме, кога ќе се урива овој објект, во Трпејца да присуствува и Шокароски, се наведува во реакцијата.
