Јавното претпријатие „Охридски Комуналец“ ги заврши предвиднеите акции за чистење на речните корита и канали на територијата на општина Охрид за оперативната 2013 год.
– Активностите кои се спроведоа по налог на локалната самоуправа, започнаа на почетокот од месец октомври. Се делуваше на речните корита на реките Сушица и Грашница, по нивните теченија во село Велгошти, населба „ Радојца Новичиќ“, улиците „Железничка“ , „ 15-ти Корпус“, како и каналите во Студенчишко Блато, во село Орман и во населбата Даљан, во вкупна должина од 6.600 метри, информираат од јавното претпријатие.
Оттаму додаваат дека дел од активностите за чистење се спроведуваа машински со ангажирање на сопствена специјална механизација , додека другиот дел , поради непристапност на теренот , се реализирале рачно.
OhridNews
