Рекетот со кој Новак Ѓоковиќ играше во финалето на Вимблдон му го подари на актерот Раде Шербеџија кој е негов голем фан. „Од сега па натаму играм тенис само со рекетот на Ѓоковиќ на Вимблдон“ изјави познатиот актер Шербеџија.


Шербеџија големото финале го гледаше од ложата на Вимблдон, а рекетот кој го доби од најдобриот светски тенисер го испроба на тениските игралишта на Печина во Риека, пишува загрепскиот дневен весник „Јутарњи лист“.

„Тоа беше борба на двајца гладијатори, двајца шампиони. Нашиот Ноле се покажа прекрасен и сосема заслужено го победи Надал“ рече Шербеџија кој со Ѓоковиќ се запозна на турнирот во Индијан Велс.

„Го познавам целото негово семејство, кое е исто така заслужно за неговиот успех. Ноле е една нежна душа, многу паметен и мудар“ вели Шербеџија.

“извор Макфакс“
Ohridnews