Јавното претпријатие „Билјанини Извори“ успешно ја заврши реконструкцијата на трибината и дел од оградата на фудбалскиот терен со вештачка трева.
Поставени се нови елементи за безбедност и комфор, а трибината е освежена со нови седишта и подобрена стабилност. Во претходниот период беше поставено и ново теренско осветлување, овозможувајќи квалитетни услови за натпревари и тренинзи и во вечерни часови, велат од претпријатието.
Со овие активности, посочуваат, продолжува реализацијата на мисијата за создавање современи и функционални спортски простори, достапни за сите спортисти и граѓани на Охрид.
OhridNews
