Хидроелектраната Шпилје во првите 5 месеци го надминала годишниот план за производство на електрична енергија. Од електраната соопштија дека „Дебарско Езеро“ по три месеци истекување повеќе не се прелева и дека не се памети толку високо ниво на вода во последните 4 децении.Од друга страна нивото на Охридското Езеро како никогаш до сега во јуни е високо над утврдениот максимум. Локалната самоуправа е загрижена за таквата состојба, која според неа, негативно се одразува на екосистемот, а штета трпи и колекторот. Градоначалникот Петрески смета дека тоа е неодговорен однос и најави кривични пријави против одговорните за таквата состојба.
-Нивото на Охридското Езеро сега е 18 сантиметри над горната утврдена граница и некој за ова треба да одговара затоа што тоа според мене е најголем криминал на деценијата што е направен кон Охрид, Охридското Езеро и државата. Некој остварува екстра профит од производство на електрична енергија од водите на Охридското Езеро кое наместо како светско природно наследство се третира како акумулација и општина Охрид ќе поднесе кривични пријави против одговорните за таквата состојба.-рече Петрески.
OhridNews
