Управниот одбор на ЗРРСК „ Свети Апостол Петар “ од Охрид му се заблагодарува на Државниот инспекторат за земјоделство (одделение за инспекциски надзор од областа на рибарството и аквакултура ) што навремено се одзва на Повикот на рибочуварската комисија на здружението „Свети Апостол Петар“ за да изврши контрола на рекреативните риболовци кои ловат на недозволен начин на акумулацијата Слатино.
Како концесионери на Акумулацијата , оттаму со апел до Министерството за земјоделство, шумарство и водостопанство побргу да ја заврши целата постапка околу доделувањето на концесиите, односно Министерот за земјоделство да ги потпише Одлуките за висината за надоместок на цените за дозволите за рекреативен риболов на рекреативните зони (акумулации и природни езера) и риболовните ревири (реките) кои се доделени во вториот круг на конкурс за концесии за рекреативен риболов .
– Со потпишување на Одлуките како концесионери ќе можеме да задолжиме дозволи за рекреативен риболов и да почнеме да функционираме според законот. Апелираме до нашите членови да се стрпат уште некое време после три години и да не одат на риболов на риболовни води за кои сеуште не се издаваат дозволи за рекреативен риболов, односно да вршат риболов без Дозвола за рекреативен риболов. Риболов без дозвола е недозволен риболов и за овој прекршок се предвидени големи казни согласно законот за рибарство и аквакултура, потенцираат од ЗРРСК „Свети Апостол Петар“.
