Една гледачка го загуби живот а уште шестмина се повредени по налетот на автомобилот на германецот Мирко Шултис за време на првата етапа на Релито Дакар 2010.
До несреќата дошло откако неколкумината за да имаат подобар поглед ја напуштиле безбедносната зона каде што се случил инцидентот. Шултис ја загубил контролата над автомобилот и тој се истркалал во публиката која не била на пропишаното растојание.
Гледачката на повредите подлегнала во болницата во Рио Кварту. Се работи за 28 годишната Наталиа Соња Гаљардо јавуваат локалните медиуми.
Од стартот на релито во 1979 година досега живтот го загубиле 55 лица од кои 16 гледачи.
Ohridnews
