Охриѓанецот Бојан Ристески е дел од македонската боксерска експедиција која ќе учествува на натпреварите од меѓународниот турнир “Радован Бисиќ” во Бања Лука.
Покрај Ристески во списокот на селекторот Чурлинов и тренерот Калач, се наоѓаат боксерите Сархан Амедов (60 кг, Скопје), Бојан Ристевски (69 кг, Охрид), Фатлум Жута (75 кг, Синди), Игор Арсов (81 кг, Баргала) и најискусниот тешкашот Примислав Димовски (+91 кг).

Ристевски и минатата година беше дел од овој турнир,а беше поразен во полуфиналето од босанецот Данијел Топаловиќ со 12-7, додека Жута триумфираше  во својата категорија победувајќи го Радољуб Гаиќ од БиХ со 21-7.

На турнирот кој се одржува денес и утре ќе настапат околу 50 – тина боксери од 11 земји.