Брендон Роџерс е новиот менаџер на Ливерпул. Поранешниот “шеф“ на Свонски, Ридинг и Ватфорд, го превзема местото на клупската легенда Кени Далглиш, кој на крајот на сезоната доби отказ поради слабите резултати.
Ливерпул заврши осми сезонава, но го освои Лига купот и преку него обезбеди учество во Лига Европа.
– Работата во ваков клуб како Ливерпул е голем предизвик за мене. Ниту во моите најдобри сништа не очекував работа на “Енфилд“. Ќе воведам нови методи кои треба да го вратат “црвениот“ тим онаму каде што му е и местото, во врвот на англискиот и европскиот фудбал -рече Роџерс, кој потпиша на три години.
Колку и да звучат “слатко“ зборовите на Роџерс, факт е дека Ливерпул и тоа како заостанува зад конкурентите за титула во Англија. Само за илустрација годинава Ливерпул освои 52 бода, 37 помалце од водчкиот двоец Манчестер Сити и Манчестер Јунајтед.
М.П.
