Пораз и победа за македонската фудбалска репрезентација под 19 години на двомечот со соодветната репрезентација на Романија. По убедливиот триумф од 4-1 во првиот меч, избраниците на селекторот Драган Бочески претрпеа минимален пораз од 1-0.
Стрелец на единствениот гол на натпреварот беше Амет во 17 минута од мечот. Романецот мрежата на Ефремов ја погоди со прецизен удар од далечина кој заврши во долниот лев агол.
Спарното и топло време им дозволи на младите фудбалери да се наиграат, надежите најубавата прилика да го израмнат резултатот имаа на дваесет минути до крајот кога Никовски ја погоди стативата.
Мх.П.
