Португалскиот ас, Кристијано Роналдо топката со која се играше мечот Севиља – Реал Мадрид, на кој постигна хет-трик петти сезонава му ја подари на капитенот на тимот Икер Касиљас.
– Крис дојде кај мене и ми рече имам подарок за тебе. Се изненадив кога видов дека тоа е топката со која го игравме мечот. Ти благодарам CR7 – напиша Касиљас на својот фејсбук профил.
За Роналдо ова беше 20-ти гол во шпанската лига, а топката потпишана од сите фудбалери заврши во рацете на неговиот голман.
На сите досегашни мечеви на кои Роналдо постигнал погодок , кралевите секогаш ги освојувале бодовите, така беше случај и во Севиља, каде Реал славеше со 6-2.
OHridnews
