Универзитетот за информатички технологии „Св. Апостол Павле“ во Охрид, работи легално и според законските прописи, изјави ректорот Благоја Самакоски, одговарајќи на изнесените обвинувања во јавноста дека оваа високо образовна институција ги нема потребните акредитaции за вршење на дејноста.
– Секој може да изислува приказни, но фактите се други. Не е точно дека имаме проблеми со акредитацијата. Не е точно и дека имаме проблеми со наставниот кадар, напротив целата настава е покриена согласно стандардите составени според законите во Република Македонија, дури и повеќе од тоа. Од законски аспект ние немаме никакви проблеми, а се друго е лага.-истакна Самакоски.
Тој посочи дека универзитетот работи од 08 до 23 часот и во тој период е полн со студенти, кои се под надзор на професорите. „ Универзитетот има 14 спортски клубови, фото клуб, што значи гаиме и други активности“, додаде ректорот Самакоски, потенцирајќи дека универзитетот „Св. Апостол Павле“ функционира без проблеми.
