ПЗУ “Дарон мед” е едниствената приватна здравствена установа во Охрид, во чија што лабораторија може да вршат лабораториски анализи со сини картончиња. Покрај неа, лабороториски испитувања на товар на Фондот за здравствено осигурување, може да се вршат и во дел од охридските Jавни здравствени установи, кои имаат лаборатории.
Според новините кои Фондот за здравство, ги воведе со почетокот на 2010 година, со уреден упат од матичен лекар, во лабораториите кои имаат склучено договор со фондот, осигурениците, со приложување на сини картони, ќе може да испитаат: Основен хематолошки и уринарен статус, Основен биохемиски статус, Електролитен статус и да направат Тест за бременост.
Покрај овие анализи со приложување на упат од лекар специjалист, осигурениците ќе може да направат и специфични лабораториски анализи од групата на Глуциден, Протеински , Коагулационен и Липиден статус, испитување на Ензимите, Елекролитите и Хормоните, испитување на Имунулошкиот и Уринарниот статус, како и голем број на специфични лабораториски маркери.
Ohridnews
