Жителите во руралните средини на источното крајбрежје од Охридското Езеро нема да добијат амбуланта, иако тоа беше предвидено со проект на Министерството за здравство. Оттаму вчера информираат дека од предвидените 17, изградени се 16 амбуланти за руралните општини во Македонија.
– Единствено нема да се гради амбулантата во населеното место Св. Стефан во Охрид, бидејќи локалната самоуправа скоро две години не го донесе ДУП-от и поради тоа не може да биде издадена градежната дозвола за изградба на оваа амбуланта, рече заменик-министерот за здравство Јовица Андовски одговарајќи на пратеничко прашање на седница во Собранието.
Со изградбата амбулантите во руралните средини услуги од примарната здравствена заштита ќе добиваат меѓу 35-45 илјади жители, велат од Министерството за здравство.
