Градежните работи за санирање на свлечиштето на магистралниот пат Охрид – Ресен – Битола, на планинскиот превој Ѓавато, се завршени и овој патен правец е пуштен за сообраќај, соопшти Агенцијата за патишта.
Сообраќајот на овој патен правец беше во прекин од февруари оваа година, кога поради обилните дождови дојде до појава на свлечиште на магистралниот пат Ресен – Битола , поради што сообраќајот на оваа делница беше забранет, а возилата беа пренасочувани по стариот регионален пат П-106.
За санација на свлечиштето биле потрошени 30.685.494 денари.
OhridNews
