Ништо не може да му помогне на обвинетиот Никола Груевски кој на 11 декември ќе ја добие вистинската анкета од граѓаните пред кои ќе мора да одговара, реагира опозциската СДСМ на анкетата објавена од институтот „Димитрија Чуповски“, која предност пред одржување на вонредните парламентарни изботи и дава на владејачката ВМРО ДПМНЕ.
„Обвинетиот Никола Груевски се соочи со фактот дека мора да оди на избори на 11 декември и оттаму потекнува новата хаотична анкета на партискиот институт Димитрија Чуповски, на којшто му излета мнозинското разочарување на граѓаните во економијата.
Никола Груевски се обидува да штелува бројки по нарачани анкети од партиските испостави, во зависност од интензитетот на неговиот страв од одговорност, но од вистината бегање нема.“ – се вели во соопштението.
OhridNews
