Клубот на жени при Општинската организација на СДСМ, вечерва одржа дебата на тема,,Актуелните состојби во државата,,.
Гостин на дебатата беше пратеничката од СДСМ, Весна Бендевска која истакна дека Македонија во моментов се наоѓа во особено сензитивна политичка ситуација. Според Бендевска, во 2011 земјава се наоѓа во посериозна криза споредено со 2001 год.
– Пет години Македонија тапка во место, не неапредува кон евроатланските интеграции, туку за жал како никогаш досега сме изолирана земја, без подршка од досегашните, наши серизони партнери кои ни пружаа помош во нашето евроатланско интегрирање. Пет години Македонија е жртва на стратешки заговор кој значи рушење на темелот на државните институции кои се темел на државноста. Имаме надворешна политика која инсистира на кавга со секого на секое ниво, рече Бендевска.
Пратеникот од Охрид, Томислав Чингоски, се осврна на актуелните случувања и се поизвесните предвремени избори.
– На 27 јуни го одржавме првиот митинг во Скопје кој беше дел од стратегијата со која почна да се креира она што значи мотивација за успешно делување на терен на членството и сузбивање на стравот кој постоеше меѓу граѓаните. Следуваа серија митизнзи и маршот на 5 декември во Скопје. Од тој момент конците на политичката сцена во Македонија ги држи СДСМ. Све е пресметано и овие денови кои создаваат забуна меѓу членството и граѓаните е пресметан и добро осмислен ризик, кој ќе кулминира на денот на изборите. Сдсм ја држи под контрола целата ситуација во Македонија. Поставените четири барања, пред месец дена за Груевски беа неприфатливи и многу учленови велат да не се надеваме дека Груевски ќе седне на преговарачка маса и ќе преговара. Јас велам- не само што ќе ги прифати тие четири барања, туку ќе побара уште некое за да ни исполни и тогаш ќе одиме на избори, рече Чингоски.
