Оваа локална власт предводена од ДПМНЕ и градоначалникот Пецаков очигледно веќе по инерција продолжува да се кити со туѓи перја, па без двоумење вчерашниот ден решија повторно да обременат со манипулантни искази за тоа што Општината превзела во економското училиште СОСУ „Св. Кирил и Методиј“ Охрид, реагираат од ОО на СДСМ Охрид.
Непобиен факт е, велат, дека крупните инвестиции во економското училиште беа уште пред локалните избори до октомври 2021 година и сите беа иницирани и реализирани од тогашната локална власт предводена од СДСМ, за што сведочи фактичката состојба.
Целокупно, доколку се погледнат Програмите за капитални инвестиции во основното и средното образование од оваа локална власта, во ставката: Извор на финансии во 90 % ќе се забележи дека сите финансии доаѓаат од блок дотации од МОН и Владата на РСМ, а не од сопствени средства како што тоа Пецаков го прикажува. МОН и Владата на РСМ не делуваат селективно кон општините, туку напротив видно ги помагаат сите општини во делот образование и капитални инвестиции, потенцираат.
Она што оваа локална власт досега го има како крупно направено за образовните институции е ангажирање на несоодветен кадар по училиштата, наставници на раб да ја изгубат деловната способност, раководни лица кои почитуваат исклучиво партиски одлуки, додаваат потенцирајќи дека за очекувње е и Пецаков да се пофали и дека ДПМНЕ им ја зголеми платата на наставниците изминативе 6 години за 39 %…
OhridNews
