Паркинзите во Охрид , за портпаролот на ВМРО- ДПМНЕ Александар Бичиклиски, очигледно се многу поважни отколку состјбата со патиштата кои водат до најголемиот туристички центар во Македонија. За Бичиклиски и врвот на неговата партија не е важно кој е виновен што граѓаните за да дојдат во Охрид, ги кршат автомобилите и си прават штета од неколку стотици
евра, која никој нема да им ја плати. Ова стои во реакцијата на СДСМ, на изјавата на портпаролот на ВМРО ДПМНЕ, Бичиклиски, кој го обвини градоначалникот на Охрид дека е одговорен што охриѓани плаќаат најскап паркинг.
-За ВМРО- ДПМНЕ важно е секојдневно да се манипулира и да се дефокусира вниманието на јавноста од катасрофалните последици на нивното владеење. Во партиски координирана медиумска акција , Бичиклиски вчера од Скопје јавно кукаше за паркинзите во Охрид , а неговиот шеф Груески, свечено го отвораше патот од Лескоец до Скребатно кој е граден со средства на Општина Охрид и кредит од Европската банка за обнова и развој и Светска банка, стои во реакциојата.
Општинската организација на СДСМ, на Бичиклиски му порача да дојде во Охрид и јавно да одговори зошто неговата партија ВМРО- ДПМНЕ не направила ништо, туку го уништи направеното.
-Три години, охриѓани ги оставивте без општа болница, ја затворивте специјалната детска болница, затворивте десетина фабрики, ги блокирате сите проекти на Локалната самоуправа и видно и постојано го кочите развојот на Охрид, се вели во соопштението.
