Со цел да се промовираат спортските идеали и вредности и да се спречи насилството во спортот и на спортските натпревари, ,,Агенцијата за млади и спорт” распиша Јавен конкурс за избор на најдобро лого кое ќе се користи за Кампањата против насилство и недостојно однесување во спортот.
Најдоброто лого од конкурсот кој ќе трае до 20 јануари 2014 година, ќе биде избрано од тричлена комисија на агенцијата. Според критериумите за избор, логото треба да асоцира на мир, соработка и превенција од насилствo и истото треба да биде оргинално и да не потсетува на друго лого. Авторот на најдоброто лого ќе биде награден со парична награда од 6.000 денари.
Повеќе детали за овој јавен конкурс може да се најдат на Веб страницата на ,,Агенцијата за млади и спорт”.
OhridNews
