Билетите за свеченото отварање се во продажба. Во Охрид, освен во просториите на дирекцијата на фестивалот, може да се набават во продажните пунктови на градскиот плоштад, кафе баровите Ликвид, Објектив, Галерија, и ресторанот Суво пипрече. Нивната цена е 2. 000, односно 3. 000 денари, зависно од местото на седење.
Од Министерството за култура објаснуваат дека интерес за свеченото отварање има и дека голем број карти се веќе резервирани. Во тек е печатење на дополнителни примероци од програмата на фестивалот, бидејќи првично биле испечатени само 50.
Годинава е новина што дипломатите и претставниците од Владата и Претседателот на државата ќе влегуваат од еден влез, а останатите гости од друг. – Целта е да не се повтори метежот кој се направи минатата година, велат од Министерството за култура.
