– Исклучок е Средното угостителско училиште “Ванчо Питошески” во кое засега нема вработен педагог или психолог. Во некои од училиштата има вработено вакви стручни лица, а во некои таа дејност ја обавува едно лице. Барањето за вработување на потребните кадри за формирање на педагошките служби е испратено до министерството за образоавние, но досега не сме добиле одговор. При тоа, најавени се казни за училиштата кои нема да ги формираат педагошките служби, но она што може да се направи од наша страна го правиме, вели Серафим Наумовски од одделението за образование на Секторот за јавни дејности при Општина Охрид.
Наумовски потенцира дека формирањето на ваквите служби се повеќе од потребни за училиштата и се надева дека со нивното функционирање во голема мера ќе се придонесе кон подобрување на однесувањето на одредени ученици.
Согласно измените на законот за образование, од почетокот на идната година, во секое училиште задолжително ќе треба да функционира Советувалиште за родители, со кое ќе раководи педагошка служба составена од стручни лица- психолог, педагог и социолог.Основната задача на советувалиштето е да воспостави контакт и ги советува родителите чии деца имаат проблематично однесување и слаби оценки во училиштата, а не се појавуваат на групните или индивидуални термини за средба со класните раководители.
