Конкурсот за избор на директор на Општата болница заврши и сега се очекува министерството за здравство да одлучи кој ќе биде првиот човек на оваа здравствена установа.
За оваа функција на конкурсот се пријавиле: актуелниот ВД директор Љубен Арнаудов и д- р Боро Петрески- гинеколог во Општата болница.
Основните критериуми наведени во конкурсот за избор на директор се: поседување диплома за менаџерство, 5 години искуство во матичната организација, како и изготвена програма со визија за развој на институцијата.
Најдоцна до 5- ти декември се очекува надлежното миниситерство да се изјасни кој ќе биде директор на Општата болница.
Во тек е процедурата за избор на директори и во останатите здравствени установи во градов.
Конкурсот за избор на директор заврши и во ЈЗУ Здравствен дом. Пријавени кандидати за функцијата директор на оваа установа се: актуелниот ВД директор Митко Дабески, д- р Ранко Велјаноски- доктор по општа медицина и Грација Бакраческа- стоматолог.
На распишаниот конкурс за избор на директор во ЈЗО Заводот за кардиоваскуларни заболувања “Свети Стефан” ,единствен пријавен кандидат е актуелниот директор д- р Никола Бакрачески.
Ова следува како резултат на измените на законот за здравствена заштита и пакетот антикризни мерки за спас на здравствениот систем, според кои министерството за здравство ги укина вторите директори во овие установи, бидејќи двојното менаџирање се покажало како финансиски неоправдано.
Со разрешувањето на економските менаџери на крајот на месец август, во здравствените установи беа назначени ВД директори кои ја вршат функцијата до завршувањето на распишаните конкурси и реизборот на директор.
