Владата на Република Македонија и Министерството за земјоделство, шумарство и водостопанство деновиве објавија Јавен оглас за давање под закуп на 10 хектари државно земјоделско земјиште во регионот на Охрид. Земјиштето е лоцирано во атарот на село Мешеишта, а почетната цена за закуп е 16.000 денари. Ова земјоделско земјиште е со намена за Интезивно овоштарство и се издава за период до 30 години.
Право за учество на овој оглас освен домашни физички и правни лица имаат и странски правни лица. Основен услов за аплицирање на овој оглас е апликантот да нема неподмирени долгови по основ на закупнина од претходно склучени договори за закуп на земјоделско земјиште и да нема отворено стечајна постапка.
Образецот за учество на јавниот оглас, кој трае до 14-ти јануари 2014 година може да се подигне во подрачните единици на Министерството за земјоделство, шумарство и водостопанство.
OhridNews
