Во сезоната што измина постигна повеќе од дваест гола за клубот и репрезентацијата . Американскиот интернационалец и напаѓач на Рапид , Теренс Бојд е задоволен како протекна минатата сезона, “вицепрвак“ со Рапид, успешен настап во Евролигата а се најде и на поширокиот список на Американската репрезентација за Светскиот шампионат во Бразил.
– Задоволен сум како се развив оваа сезона, доста напреднав како напаѓач, се движам пвовеќе, играм доста со топка, головите во Лига Европа беа награда за тоа залагање – вели Бојд.
Во виенски Рапид има можност да работи со Карстен Јанкер, додека во националниот состав со Јирген Клинсман, двајца поранешни напаѓачи со слична конструкција.
– Тоа секако е голем плус за мене. Јас сум сличен напаѓач како нив. Секако дека е одлично да се учи од таков фудбалер (Јанкер) , кој ја освоил Лигата на Шампиони и секако дека мора да го слушаш се што ќе ти каже бидејќи е во право. Исто така се радувам на соработката со Клинсманкој исто така беше напаѓач од кој може и тоа како да се научи. Тие (Клинсман и Јанкер) ми даваат добри совети и е одлично да се има такво опкружување околу тебе – истакна Бојд.
Роден во Германија но се одлучи да играш за репрезентацијата на САД. Посебни се моментите кога двете репрезентации ќе се сретнат меѓу себе.
– Навистина е лудо, лани играв на пријателски меч против Германија, и сите мои пријатели ме гледаа на телевизија , од детството, од школските денови и велат, го познавам него, навистина беше лудо, бидејќи секој го гледа германскиот национален состав – потенцираше Бојд.
Репрезентацијата на САД е во група заедно со Германија, Португалија и Гана. Тешка група.
– Да групата е тешка но нема примедби на тоа. Тоа е Светски куп, најдобрите нации играат тука и ако сакаш да бидеш најдобар мора да ги победиш најдобрите, на Светскиот куп се може да се случи – потенцираше напаѓачот.
Бојд како и Лендон Донован не го преживеа последниот рез и нема да патува со Клинсман во Бразил. САД првиот меч го играат на 16 јуни против Гана.
– Нормално дека сум помалку разочаран од таквата одлука, но мора да се прифати. Јас ќе бидам најголемиот навивач и подржувач на составот во Бразил – заврши Бојд.
Мирко Постоловски
