Според податоците на Агенцијата за вработување, заклучно со месец август, во Охрид има 9315 невработени лица. Од тоа 7418 се регистрирани во градот, додека 1879 во руралните средини.
Во однос на претходните три месеци невработеноста бележи намалување. Во мај во Охрид биле евидентирани 10056, во јуни 9847, а во јули 9620 невработени лица.
Во општина Струга бројот на невработени на крајот од август изнесувал 8648. Во градот работа бараат 2861 лице, додека тој број неколкукратно е поголем во руралните средини каде без работа се 5787 граѓани.
Вкупниот број на невработени во државата заклучно со месец август изнесува 303.906, што е за 22.248 помалку во однос на истиот период минатата година, кога биле евидентирани 326.154 невработени, соопшти Агенцијата за вработување.
OhridNews
