Синоќа во селото Велгошти во близина на манастирот „Света Петка “ по 26- ти пат се одржа традиционалната манифестација „Вечер на Чинго“. Пред присутните во свое и од име на градоначалникот на Охрид, Никола Бакрачески, се обрати заменик градоначалникот Ангел Јанев, кој се осврна на делото на Живко Чинго.
– Познавачите на делото на Живко Чинго порачуваат дека една од главните особености на чинговата проза е симболиката. Ако сакаме да ги осознаеме идеите на Чинго, во прозата која ја пишувал мора да навлеземе во неговиот свет, кој навидум бил имагинација, замислен, но го отсликувал политичкиот, социјалниот и општествениот живот на времето во кое живеел.
Големината на Чинго, во сите негови дела, е со дар на народен раскажувач, да ги меша времињата, сегашноста и минатото. Еве и денес, преку делата на овие автори, на овој свечен настан, сме сведоци, дека духот и идеите на Чинго живеат со и во нас“, истакна Јанев кој на Верче Карафилоска автор на расказот “Коси од розева волница“ и ја додели наградата во вредност од 30 илјади денари, што ја доделува Општина Охрид за најдобар кус расказ.
OhridNews
