Расте интересот на македонските автори за конкурсот кој го распишаа Здружението за литература, култура и наука, „Бран 2010“ од Струга и списанието „Бранувања“. Како што е познато, ќе се доделуваат наградата „Крсте Чачански“, за необјавена збирка на кратки раскази, и наградата „Јован Котески“, за необјавена поетска збирка.
Околу наградите за испратените творби ќе одлучува жири комисијата, составена од реномирани македонски писатели која треба да го изврши изборот, а наградите ќе се доделуваат во јуни или јули годинава. Конкурсот е отворен до 20 април 2012 година.
Досегашни добитници на наградите „Јован Котески“ и „Крсте Чачански се Трајче Кацаров за поетската збирка „Форма на молкот“ и Христо Петрески за книгата раскази „Пирамида. Лавиринт“.
OhridNews
