Од министерството за транспорт и врски информираат дека по барање на такси компаниите, рокот за пријавување за полагање на испитот за странски јазик (англиски јазик) за сите такси возачи со цел да се здобијат, со Сертификат за познавање на англиски јазик, се продолжува до 30 април 2015 година.Пријавувањето на кандидатите ќе се врши на електронска пошта [email protected]
Согласно Законот за патен сообраќај сите авто такси возачи мора да поседуваат Сертификат за познавање на основен степен на англиски јазик, кој Сертификат понатаму е еден од условите да се здобијат со лиценца за вршење на авто такси превоз и кој ќе биде задолжителен од 01.01.2017 година.
Од министерството потенцираат дека авто такси возачите нема да сносат трошоци за полагање на овој испит, односно испитот е бесплатен. На конкурсот за полагање на испитот по англиски јазик може да се пријават само такси возачи вработени во лиценцирани авто такси компании.
Времето и местото на полагање на испитот дополнително ќе биде објевено на веб страната на Министерството за транспорт и врски.
OhridNews
