По налог на Секторот за комунални дејности,сообраќај и улици при општина Охрид, а во рамки на акцијата за расчистување на локалните и регионалните патишта на територијата на општина Охрид, денес екипи на Јавното претпријатие “Охридски комуналец“ започнаа со расчистување на локалниот пат што води од селото Орман до селата Горно и Долно Лакочереј. Патот е во должина од 1 200 метри и за неговото чистење покрај оперативните екипи на ЈП “Охридски комуналец“ ќе се користи и полесна механизација.
Акцијата се очекува да трае неколку дена и е продолжение на акцијата за расчистување на регионалниот пат Охрид – Св. Наум.
Од Секторот за комунален развој при општина Охрид , најавуваат чистење и на останатите локални патишта со цел побезбедно дочекување на зимската сезона.
OhridNews
