На барање на месното население во Коњско и Рача,денес, градоначалникот Никола Бакрачески и директорот на Агенцијата за државни патишта, Љупчо Георгиески, се сретнаа со жителите од овие две населби со цел да ги слушнат нивните барања и инфраструктурни проблеми со кои се соочуваат.
– Ги разгледавме можностите за уредување на влезовите кон селата Коњско и Рача, можноста за осветлување на патниот правец Охрид- Свети Наум, на потегот од тунелот до хотел Метропол, како и потребата за изградба на пешачки патеки покрај главниот пат, изјави градоначалникот Бакрачески.
Градоначалникот информира дека од страна на локалната самоуправа од Агенцијата за патишта било побарано и уредување на осветлувањето на влезот во Охрид.
– Досега ова осветлување беше обврска на општина Охрид, но од страна на минатата локална власт тоа никогаш не било побарано. Наидов на разбирање од директорот на агенцијата и сметам дека за кратко време ќе биде презмена оваа обврска од нивна страна, рече градоначалникот.
OhridNews
