Српски туроператори денес остварија состанок со претставници на Здружението за угостителство и туризам при Стопанската комора на Македонија, при што се анализираа можностите за зголемување на бројот на туристите во Охрид, како традиционално место кое го посетуваат српските туристи, но и во останатите градови низ земјава. Новите можности произлегуваат од намалените цени на понудата во Македонија, субвенциите што македонската држава ги нуди за странските туроператори, како и малата оддалеченост меѓу двете држави.
– Дојдовме подобро да ги запознаеме потенцијалите на Македонија. Најмногу се промовира Охрид, но ќе ги запознаеме и Скопје, Битола, Прилеп, Маврово, Пелистер. Имаме соработка со Македонската амбасада, во тек се преговори за субвенциите кои се нудат што не стимулира, изјавија српските туроператори, кои потенцираа дека сакаат да ги промовираат и останатите градови и места низ земјава.
На годишно ниво Македонија ја посетуваат 30.000 туристи од Србија. Според продажбата на аранжманите во Србија, Охрид е најпосетуваната дестинација, особено во летната сезона.
OhridNews
