Во тек е конзервација и реставрација на неколку цркви во стариот дел на градот и во околните села, што ја врши Охридскиот Завод и Музеј .
Заштитно конзерваторски работи на фрескоживописот се изведуваат во стариот дел на Охрид на црквата посветена на Цар Константин и царица Елена од 14 век, на црквата Сите Светии која што се наоѓа во манастирскиот комплекс во с. Лешани исто така од 14 век, на црквата Св Никола во с. Косел, како и на црквата Св. Богородица Захумска во близина на Трпејца.
– По долготрајно влијание на влага доаѓа до нарушување на ѕидот на кој што стои живописот поради таложење на соли, саѓи и нечистотии кои се отстрануваат механички и хемиски, со користење на материјали изработени по стари рецепти за да не дојде до оштетување на фрескоживописот, истакна Ленче Мојсоска, историчар на уметност и кустос на Заводот и Музеј Охрид.
Како завршна фаза од конзервацијата и реставрацијата се врши ретуширање на оштетениот слој со што се продолжува векот на фрескоживописот, кој е значаен дел од лултурно историското наследство.
OhridNews
