Во рамки на активностите на локалната самоуправа за разубавување на стариот дел од Охрид, денес ЈП “Градски гробишта“ започна со уредување на просторот пред црквата Св. Софија.
– Во изминатиот период несовесни возачи ги паркираа своите автомобили нагрдувајќи го изгледот на ова атрактивно место кое е привлечно и посетувано од туристи особено во летниот период од годината. Денес на овој простор се поставуваа жардињери со цвеќе, а наредниот период ќе бидат поставени и клупи за седење. Просторот ќе биде и хортикултурно уреден со што охриѓани ќе добијат привлечно катче за одмор и уживање во срцето на Охрид, велат од локалната самоуправа.
Екипи од ЈП “ Градски гробишта “ денес вршеа и поправка и санација на делот околу малата фонтана што е во непосредна близина на црквата Св. Софија.
OhridNews
