Се уредуваат зелените појаси во градот и приградските населби

Екипите на “Паркови и зеленило” започнаа со средување на парковските површини околу станбените згради во населба “Христо Узунов” и околу  зградите на улицата “Јане Сандански”, во близина на кружниот тек.

Во населбата “Христо Узунов” покрај уредувањето на постојниот зелен појас, засадени се уште 50 нови садници декоративни дрва, а на партерниот дел се поставени 4 клупи. Просторот околу двата прес-контејнери е уреден со засадување на трева и украсни грмушки.

Во парковскиот дел пред зградите на ул.”Јане Сандански” на пресекот со улицата “Питу Гули” , како и на самиот кружен тек извршено е  хортикултурно уредување со санирање на постоечкото зеленило и засадување на нови садници од 20 украсни дрва и формирање на нова цветна леа.

Од Паркови и зеленило најавуваат дека во наредниот период ќе продолжат со уредување и формирање на нови зелени катчиња во сите населби во Охрид, како и приградските населби.