Со цел подигнување на квалитетот на кошаркарското судење и условите за работа на судиите и делегатите во Струга е формирана Асоцијација на кошаркарски судии и делегати на градовите Струга и Охрид. Организацијата ќе работи како легитимно тело во склоп на Кошаркарската федерација на Македонија.– Оваа асоцијација е организирана на доброволна и стручна основа со цел задоволување на заедничките интереси и потреби а нејзината основна дејност се однесува на подигнување на квалитетот на судењето и делегирањето како и подигнување на стручноста и условите за работа на кошаркарските судии и делегати – вели претседателот на Асоцијацијата Драге Мицкоски.
Асоцијацијата брои седум члена од кои пет судии и двајца делегати. Вакви асоцијации има во Скопје и Битола, а во иднина ќе бидат формирани и низ другите градови во Македонија.
ohridnews
