Една од ретките светли точки во македонскиот фудбал, футсал првакот Железарец отпатува за Братислава, Словачка каде ќе настапи во Уефа Футсал купот. Во оваа натпреварување клубовите се подлени во осум групи по четири натпреварувачи, се игра турнирски секој со секого.
Најголем фаворит во нашата група е португалскиот Спортинг, додека покрај македонскиот првак уште се словенскиот Кобарид и домаќинот СловМатик Братислава. – Со самиот пласман во оваа фаза од купот за нас е големо постигнување, секој гол секој бод понатаму ќе биде голем успех за оваа генерација фудбалери. Ние сме аутасајдери на овај турнир, и без притисок ќе ги одиграме натпреварите, нема од напред да се предадеме, и ќе се обидеме скапо да ја продадеме нашата кожа – вели охриѓанецот Зоран Левески, кој е еден од носителите во играта на тимот на Скендеровски.
По првата рунда кога ќе се судриме со фаворитот, следуваа мечевите на кои може да се надеваме на бодови.
Распоред на натпреварите:
27.09 Железарец – Спортинг
27.09 СловМатик – Кобарид
28.09 СловМатик – Железарец
28.09 Спортинг – Кобарид
30.09 Железарец – Кобарид
30.09 СловМатик – Спортинг
М.П.
