Општина Струга не се најде на листата туристички места во кои со државни пари ќе се врши авионско запрашување против комарци. Поради ова градоначалникот Зијадин Села распиша тендер за прскање против комарци, за да се заштитат граѓаните и туристите.
-Распишав тендер и нема да дозволам граѓаните и туристите да трпат. Смешна работа, ама така е. Ќе ги прашам само како ги поделија комарците по етничка или политичка основа? Јас не ги делам, во Струга има граѓани и туристи од целиот свет што треба летото мирно и спокојно да го поминат.-изјави Села.
Градоначалникот на Струга и забележа на централната власт дека не се однесува кон Струга исто како со Охрид, иако двата туристички града се одалечени само петнаесет километри. Тој се пожали дека на општина Струга во изминатите три месеци од страна на Министерството за финансии и се одземени 300.000 евра за заедничките обврски за колекторот со општина Охрид, на која, како што рече, до сега не и е одземен ниту денар, а згора на тоа, владата од буџетот и одобри помош од 3 милиони денари.
OhridNews
