Првиот впечаток на селекторот Мирсад Јонуз е дека 70 проценти од желбите се исполнети. Првите четири средби според него даваат убава можност репрезентацијата на Македонија да го покаже вистинското лице и да собере бодови кои можат да обезбедат одлична позиција за продолжението од квалификациите.
задоволен од “возниот ред“ – Мирсад Јонуз
– Најважно за нас е Националната Арена да биде подготвена за првите две средби, што значи Јужната трибина заедно со Северната и потребното осветлување да функционираат беспрекорно. Побарав од нашата делегација во Тел Авив да разговара со руската делегација за поместување на средбата Македонија – Русија ако е можно во ноемврискиот термин токму од овие причини а и за да избегне тежок натпревар по напорното патување за Андора. Секако за ваков епилог е потребна и согласност од останатите селекции во групата – изјави селекторот Мирсад Јонуз на официјалната веб страна на ФФМ.
– Особено сум задоволен од последните три средби кои ни даваат можност да играме со противниците кои можеме да ги совладаме и да освоиме максимален број бодови за добар успех во овој квалификациски циклус- изјави селекторот Јонуз кој веста за календарот ја прими во Скопје.
Ohridnews
