Јонуз пријатно ги изненади охридските новинари и известувачите од Охрид со неговиот пријателски и срдечен однос со медиумите. Новинарите ги добија своите „пет минути“ пред почетокот на тренингот да поразговараат со некој од репрезентативците, а потоа и самиот селектор застане пред камерите и микрофоните.– Пред секој тренинг имате можност да поразговарате со кој играч ќе посакате, но штом почне тренингот ве молам да останете на страна и да не се мешате на теренот. Тоа е исто до колку јас „рошкам“ во вашиот компјутер откако вие ќе седнете на него – рече Јонуз, што предизвика смеа и кај новинарите но и кај фудбалерите.
Ваквата ситуација е тотална спротивност од режимот кој го спроведуваше Катанец. Словенецот не само што не разговараше со новинарите, туку на подготовките камерманите имаа можност само 15 минути да фатат кадри и да уловат некоја слика.
М.П.
