Рекордниот број на црвени картони дури 17 откако пристигна на „Сантијаго Бернабе“ и застојот околу новиот договор беше доволен показател за Флорентино Перез да го стави на трансфер листа Серхио Рамос.
Шпанскиот репрезентативец клубот може да го напушти за оштета од 60 милиони евра, а не како што стоеше во неговиот договор за 150 милиони. Првиот човек на „кралевите“ отишол до таму што рекол дека Рамос ќе биде продаден и во Барселона ако ја исплатат зацртаната оштета.
Рамос, кој е капитен после Икер Касилјас имаше зациментирано место во составот на Реал Мадрид, но, минатата сезона по караницата со Жозе Мурињо го загуби. Кај новиот стратег Карло Анчелоти, Шпанецот доби нова шанса, но, според него и Перез тој ја прокоцкал и е ставен на трансфер листа.
Покрај каталонците кои уште минатата сезона покажаа интерес за Рамос на листа на чекање се Баерн Минхен, Манчестер Сити и француските гиганти ПСЖ и Монако.
Мх.П.
