Шаховскиот Европски клупски куп ќе се одигра во Охрид од 3 до 11 октомври годинава.  Шаховската федерација на Македонија (ШФМ) формира организациски одбор за претстојниот Европски клупски куп (ЕКК), кој ќе се одржи во Охрид, наместо во Струга, како што претходно беше најавено.

Натпреварите во машка конкуренција ќе играат во х. „Горица“, додека во женска во х. „Гранит“. На Федерацијата останува да обезбеди награден фонд од 45.000 евра, од кои за мажите 27.500 евра, плус 7.500 евра за најдобар поединечен резултат по табли и 7.500 евра за жените, плус 2.500 евра за најдобар поединечен резултат.

Оттаму очекуваат во Охрид да дојде и претседателот на Светската шаховска федерација (ФИДЕ), Кирсан Иљумжинов.

На седницата беше напоменато дека е потребно да се обезбеди покровителство на турнирот од премиерот или од претседателот на Македонија, како и помош од градоначалникот на Охрид.

ohridnews