Ѕвезда на првиот ден од турнирот беше поранешниот македонски репрезентативец Артим Шаќири, кој настапи за екипата на Десарет. Дел од публиката се прашуваше дали е дојден да игра или да биде само подршка на екипата, но со неговото појавување на теренот избришани беа сите дилеми.
Шаќири со позитивни импресии од првиот ден на турнирот. – Прв пат играм овде во салата во Охрид и пријатно сум изненаден од организацијата на турнирот и од условите. На Охрид како град му е потребен ваков турнир, на кој учество би зеле екипи не само од регионот, Струга, Кичево, Ресен туку и пошироко од Македонија. Одлично е, она што недостигаше вечерва е публиката, но со оглед на тоа што денес е прв ден , а и се играат натпревари од лигата на шампиони, очекувам во наредните натпревари посетеноста да биде зголемена – рече Шаќири.
Наредниот натпревар во групата Б екипата на Десарет ќе го игра в петок против Леарница
М.П.
