Македонскaта атлетска репрезентација освои шест медали два сребрени и четири бронзени на меѓународниот атлетиски митинг кој се одржа во Бар, Црна Гора, а на кој учествуваа 150 натпреварувачи од Црна Гора, Србија, БиХ, Албанија, Хрватска, Словенија, Унгарија и Македонија.

Македонија беше претставувана од девет атлетичари а најдобар резултат оствари Кристијан Ефремов кој беше втор на 400 метри (49.22) освојувајќи го сребрениот медал.

Сребрен медал освои и Ирена Темова во скок во височина, прескокнувајќи 165 сантиметри, додека со бронзи се закитија Јованче Јанковски (скок во височина – 200 сантиметри), Александар Стојановски на 1.500 метри, Дрита Ислами на трката на 400 метри и Александра Спасески во трискок.

Валбона Селими заврши на петтата позиција на трката на 100 метри, Марјан Нојковски исто така го освои 5. место (фрлање ѓуле – 14.48), додека Роберто Стевиќ стигна до 8. место во скок во далечина

Ohridnews