Шпански навивач на возраст од 46-години е пронајден мртво во мало село во близина на украинскиот град Доњецк каде се играат мечеви од Европското фудбалско првенство во Полска и Украина, а полицијата се сомнева на насилна смрт, пренесува АФП.

Откако било пријавено исчезнувањето на Шпанецот од хотелот во место Макајевска, полицијата организирала потера при што го пронашла неговото безживотно тело.

Украинските медиуми пишуваат дека полицијата испитува три лица коишто се сомничат за смртта на шпанскиот државјанин, но не се наведува поради кои причини Шпанецот престојувал во Украина кога неговата репрезентација ги игра натпреварите во Полска.

Доколку се потврдат информациите дека Шпанецот е убиен, тоа ќе претставува уште еден удар за Украина, коорганизаторот на ЕУРО 2012 којашто се соочува со политички бојкот од европските челници поради наводното кршење на човековите права, но во прв ред поради седумгодишната затворска казна и за несоодветниот затворски третман за поранешната премиерка и лидер на украинската опозиција Јулија Тимошенко, која е осудена за злоупотреба на положбата при склучување договор за увоз на гас од Русија.
“макфакс“
Ohridnews